سعودي يابنـــت تغطــــــــــــــي ....!!

يسلمو مش مش ..

انا صراحه بالنسبه لي عادي ما تفرق سعودي او اجنبي اثنينهم البس شيله عنهم يعني ...

وش تفرق يعني ما تفرق شي اثنينهم رجال ...هذا اهم شي ..

وبعدين الي يفكر غير كذا اكيد فيه تخلف او شي كذا او يعني احساسهم ان هذا سعودي يعني بقعد يتكلم عليهم او يشره عليهم او مدري وش سالفتهم يعني .. اوما انهم بس..

بالنسبه لبرا السعوديه انا افصخ عبايتي ايه بس ما افصخ شيلتي لان هناك في رب مثل ما هنا في رب وبعدين الحجاب انا ما يعيقني عن شي يعني .. وش يعني يعني اذا فصخت الحجاب بصير احلى لاوالله صدق جمال الشكل مطلوب بس الوحده جميله باخلاقها .. والاخلاق فوق كل شي..

تيب بالنسبه للمحلات .. والله اذا سعودي او اجنبي قالها ومو قصده شي يعني نيته صافيه عادي .. بس اذا كان قصده يغازل او شي كذا هنا رح احقره واسكت عنه او اوريه شغله بس غالبا رح اسكت عنه يعني .. لان ما همني كلامه ولا تردو على السفيه جوابا ...

المهم .. يعني انا مدري وش سالفتهم هالبنات يعني وش قصدهم بهالحركه يعني اوما على هالبنات بس>>>>>ما كأني بنت


يسلمو مش مش مره ثانيه عالمووضوع وعلى طرحه لان صدق مدري وش سالفتهم بهالحركات

ادري طولت يالله سي يوو

الدلوعه
اول شي شكرا لمرورك و تعليقك

بعدين انا اشوف الموضوع من جهة اخرى

اوكي نتفق انه ما يجوز الوحده تكشف على الاجنبي او السعودي مهما كان لانهم رجال اجانب

بس تبقى نظرة الرجل هي اللي تحكم

الحين واحد فلبيني ينظر للبنت غير عن نظرة السعودي للبنت لانها لفلبيني ببلده عادي عنده يشوف بنات كاشفات بنات بالبكيني عادي عينه تعودت

اما هينه السعودي ما تعود الا انه يشوف سواد بسواد يعني لو شاف يدها طالعها خق معاها عشان كيذا هينه السبب الرئيسي بالبيئة

يعني بيئة الرياض غير بيئة جدة مثل كيذا بعدين بالنسبة للبياع يوم يقول كلام حلو و يتغزل بالزبونة انا اعتقد انها وقاحه و لو ما كانت وقاحه كان تغزل فيها و هي مع زوجها ولا اخوها كان ما يشوف الاا كف طاير 220 على خشته

في خبر جاني انه احد البنوك النسائية بالرياض يوم يدخل عامل الصيانة حق التكييف للبنك عشان يصين المكيف الخربان الحريم اللي جوا مي تغطون ولا حتى فكرو يلبسون العباية و الفلبيني طال عمره مستانس يشوف العيون و الخشوم اللي تطيح الصقر من السما لانه متعود يقابل خشة زوجته الفطساء 24 ساعه

عموما ننتظر ردود باقي الاعضاء